امس كنت بمسرحيه " ليله رعب " لـ عبدالعزيز المسلم وللامانه العرض كان حلوو والاداء احلى .. احتوى العرض على الكثير من الحكم والمواعظ وايضا العبر وتكلم عن مواضيع عديده .. بس في موضوع شدني وهم ركز عليه الاستاذ عبالعزيز المسلم آلا وهو " المعاش القوي بوظائف وهميه او اتنساب وظيفي بالاسم فقط " وان موضووع الشركات الوهميه اصبح ظاهره ومنتشر بشده في الاونه الاخيره ..!
يعني تشوف المرآه او الرجل ياخذ راتب واهوا قاعد بالبيت اي دون عمل .. وهالراتب اما يحصله من الشركات الوهميه فتكون الوظيفه باسم فقط بمسمى دعم العماله .! او بوزارات حكوميه يكون فيها عدد الموظفين اكبر من الحد المعقول للوزاره فيوصل له المعاش واهوا بالبيت ..! او تدخل من فيتامين واو بتوظيف اشخاص باسم من غير دوام اي اجازه مفتووحه ..!!
قبل انا كنت من مؤيدهاا بـ فكره وحده اكد فيه هالرأي تقول " حلال ديرتي لعيالها مو لربعها " فكنت اشوف دعم العالمه يكون لعيالنا احسن من انه يكون لديار بره او دول لا تستحقها .. كنت اشوف هالموضوع من نظره وحده فقط وكانت عاجبتني الفكره
بعدين لما قريت عن هالموضوع وتعمقت فيه اكثر وسمعت اراء وايد وعاشرت ناس تتعامل بدعم العماله .. تغيرت عندي هالنظره فصرت من اكثر المعارضين لهالظاهر وبشده
اولا .. الشرع لا يحلل كل شخص اتبع هذه الطريقه واستلم الراتب من غير شغل ولا تعب باختصار حرمهاااا
ثانيا .. تحايل على القانون والحكومه فهذه الشركات وهميه اذاً فهي خدعه وحرام الانسان يظلم نفسه ومعيشته ويعيش بخدعه بل فيها مساس لاحتراميه الدوله .!
ثالثا .. هالظاهره تمس الاخلاق العامه والادب فلا يعقل استلام معاش بمبلغ كبير من غير شغل ولا تعب وفوق هذه يسبب ضرر لدوله .!
فبجذي لازم انشجع عيالنا على الشغل بالخاص لمنفعة الديره مو لبوقها .! ونشدد هالرقابه من هالشركات باحترافيه اكثر وزياده المفتشين ..! تعين الرجل المناسب بمكان مناسب مؤمن باخلاق المهنه وان ديرته وتطورها وازدهارها فوق مصالحه
وباالاخيــر عيالنا فيهم الخير والبركه ان شاءلله .. والله يحفظ ديرتنا ويوحد قلوب اهلهاا :)
هناك 15 تعليقًا:
لما تكون في فكره كل شخص يشوفها من منضوره الخاص
وصح كلامج اعيالنا فيهم الخير والبركه
ومشكوووره على البوست الحلو
الناس الحين قامت تشتري راحتها
على بو ماكو تعب نوم و سهر على كيفي و المعاش ضامنه
نسوا ان هالشغله حرام و ربهم ما يحلله و الفلوس اللي عايشين
عليها بتكون فلوس حرام
حلو انج تطرقتي للموضوع هذا عشان يكون عبره حق الناس
في ناس و النعم فيهم .. مثل ما تدرين في اماكن يديده يبطلونها
يكون الشغل فيها خفيف او ماكو شغل .. يرفضونها
بحجة شنو .. والله ما يبون يتعبون على الفلس .. يبون يحللونه
و ناس همهم بس الفلوس ان توصل لهم بأي طريقة
آسفة على الاطاله
يعطيج العافية
المشكلة يا اختي ان القيم بدت تختفي من مجتمعنا
الحلال والحرام
الصح و الغلط
الماديات طغت على كل شي
للاسف .. اشعر ان مجتمعنا يتدهور عن يوم
:(
ختاما سعيد جدا لاكتشاف مدونتك الجميلة
سلام
نفس ماقال اخوي عثماني
الماديه طغت للاسف ..بلهجتنا دائم نقول وفي اد مايحب الفلوس اكيد لا
والايه المال والبنون زينة الحياة الدنيا
لكن ليس لهذه الدرجه التي تجعل الانسان حتي ينزع نخوته من اجل المال وتجميع المال
الواحد جم عمر يبي يعيش
الرجل المناسب بالمكان المناسب اذا تطبقت زييين
القيادات الفاسدة اذا صارت عليها مشكله الحكومه تنزع فتيل الازمه وتروح تعينه مستشار لديها!!!! مهزله
أهم شي عندي الناحية الشرعية ..
يعني الواحد شلون يحلل على عمره انه ياكل حرام؟؟
وماشاءالله الشباب مو ناقصهم شي وصغار يعني بسهالة يقدرون يشتغلون وينتجون لأنهم بعز شبابهم وعندهم طاقة كبيرة فليش ما يستغلونها ويستسلمون حق الكسل والربادة ؟؟
مشكورة وايد على اختيار هالموضوع المهم ويعطيج العافية
وايد ناس اعرفهم اللي ياخذون راتب
مع سالفة الشركات الوهمية ..
اقولهم حرااااااام يقولون الشركة ما تبينا او مثلا الوزارة ما تبينا
في منهم بالحكومة وفي منهم بالقطاعات الخاصة تبع الهيكلة ..
الناس اجناس .. ^_^
unique
العفوو حبيبتي .. وام شي تكون الفكره زينه مو شينه .. وعسى الله يهديهم لما فيه مصحله لديره
منورتني كعادتج :)
كتكوته
يعافيج اكثر حبيبتي .. فعلا هالناس ماتبي تتعب وللاسف اهيا قاعد تظلم روحها بالحرام :(
وعلى قولتج الوظائف متتجدده بالديره من شركات وهيئات بس مايبون يتعبون ..!!
منورتي حياج الرحمن :)
عثماني
على كل هذا اللي قاعد يصير بمجتمعنا من تدهور في الاقيم والاخلاق يبقى هناك امل بتجديد روح الجيل الجديد على العمل الصادق والولاء للوطن :)
دمت بتواجدك هنا .. منوور :)
msmssr
اي والله صاج ياخوي " الفلوس غيرت وايد نفوس ومبادئ وبعد اخلاق وقيم " يعني بختصار عمت قلووووبهم للاسف :(
وبخصوص حكومتناا وتخبطها بقوانينها وتعيناتهاللاناس الغير مهييين وبؤر فساد بمكانهم .. نقول ربك كريم ويبون اصلا اشلون انا مادري وهذا مو بس مهزله الا مهازل .!! :(
مشكور على هالتواجد الطيب .. منووور :)
مهندستنا
العفوو حبيبتي .. فعلاا هذي مصيبه اذا اهما بعز شبابهم اي بقوة الانتاجيه ومايبوون يشتغلون ولا حتى يوظفون هالطاقه لمصلحه بلدهم .!!!
املنا يتجدد فيهم وعسى الله يطرح فيهم البركه ان شاءلله :)
منووورتني :)
فدك المطيري
اي والله الناس اجنااااس .. حتى الحرام يرضونه على روحهم .!!!
دمتي بهالطله الحلووه .. منووورتني :)
البوست حلو ويطرح قضية مهمة البطالة المفنعة والشركات الوهمية والفساد الاداري وعدم تحليل بعض الناس لراتبها, قضايا تستحق وضع حد لها
Tazmania
فعلا هناك قضايا تؤثر في المصلحه العامه للبلد ويجب طرحها على محمل الجد ووضع خطط علاجيه للحد منها ..
كالعااده منوورني :)
شوفي انا ضد هالفكره
لكن الوظائف تخليج جذيه قولي شلون
في بعض الاماكن يحاولون يهمشونج
وماتمسكين شغل
وعشان ماتعرفين الشغل وتتفوقين
انا صار وياي جذيه
اصدمج صارلي الحين سنه محد راضي يخليني امسك شي ولا يعلموني شي
ورحت اشتغلت على نفسي وتعلمت
وكلمت ناس يعلموني
وفوق هذا يتناحسون وياي
ومايبوني اتعلم
والمدير والمراقب مايبون يعطوني شغل
وفوق هذا
ماكو فايده
وهالشي لما تقولين الناس مايبون يداومون لان هالشي يخليهم يفقدون الامل
وللاسف ماعندهم ثقه بالموارد الشبابيه الكويتيه
ولا يحبون التطوير ولا الافكار الجديده
يبون اهم وبس
ماقول الا حسبي الله ونعم الوكيل ..
وجني قرقت لوووول
ومشكوره
إرسال تعليق