الأربعاء، 24 نوفمبر 2010

آووه يـآمـال .. وآصالة الفـن

السلام عليكم والرحمه ..

اليوم حبيت يكون البوست عن الفن البحري الكويتي  فدائما التراث واصالته له صورة مميزه له ذكريات جميله تعيد انفاسنا لشقاوة الحياة وبساطتها  .. هذا الفن كان في فتره على هامش الفنون في وقت مضى فلم نرى إبداعات قد تكون رائده في ذاك الوقت  .. بس الحمدلله بالفتره الاخيره عادت له الانظار فالآن نرى مواهب الشباب الكويتي  بإلقاء وآداء لهذا الفن ..
فالفن البحري فن جميل جدا وانا من مستمعينه وبنفس الوقت صعب .. فن يحمل اسمى واجمل المفردات في محتواه .. فن اصيل نعيش ذكريات السفر والغوص والسفن معه .. وهالفن له انواع عديدة فمنها لترفيه والراحه عن مافي السفينه من تعب واعمال جديه وشاقه ..
* راح اذكر اسم النوع مع بعض كلمات لكل نوع :)



فن عاشوري
باركوا لي لقيت اللي يسلي في حولي .. حشى ما من مثيله
جابــه الله عقــب ذاك التــغلي .. واجتمعنا خليـل مع خليله

فن حساوي
صار السبب لي بالحشا وأبديت الأفنان عقب الصلاة
من حـيث قلـبي بالهوى والحــب سلطـان حب النباتي
 
فن بحري
مالي مع الناس معشوق .. بدري ستر في مغيبه
زين التغازيل غرنوق .. بالشـين ما ينحچي به
ما فيه كــبر ولا مــوق .. عقل ونفـس حبيـــبه
وشرايك القلب محروق .. فرقى الولايف مصيبه

فن نجدي
يابو يوسف لا تعاتب من جفاك .. من زهد في عشرتك خله يروح
الطــمع ياللـي غــاية هــواك .. ما يـواريــك الجــفا قلبه نصــوح

فن حدادي
يا رب أصلي ذا الجلاله .. ما نسينا الصلاة
لو يبدا المختار طه .. من مدمع العينين دمعها همّل

فن خماري
والله يا عوني يا والي الفرج يا عوني
والله واعلاها يا رافع سبع السما وأعلاها
والله مزراها دنياي عقب الطرق مزراها
والله وعيوني لي صاحب يسوي نظير عيوني
 
مجيلسي
أول بادي آه .. وبنصلي هم آه
وبنبدي بذكر الله .. هالله هالله
أول ما نبدي وشنقول .. ألف الصلاة على الرسول







ويبقى غناء البحر وايقاعاته رائع وأصيل لا يجيده إلا من عشقه  :)


..

الاثنين، 15 نوفمبر 2010

عـيدكمـ مـبآآركـ

غـفر الله لكــم مـع أهـل عـرفـات ..  وأجـاب لكم كل الـدعوات .. ورفع لـكم الدرجـات
وقبلكم في العشر الفاضلات .. وملأ عيدكم بالمسرات .. وختم عامكم بغفران الزلات
.
.


.
.

كــل عااآم وانــتم بــخـير ،، وتقــبل الله طــاعتـــكم  

.
.

الخميس، 11 نوفمبر 2010

كويتي = 10 وافدين ..!






اليوم قريت مقال بجريدة الوطن عن اخر احصايئات لنسب الوافدين بالكويت .. وكانت النسبه 69 % ..!! يعني اكثر من نص الشعب .!! للاسف هناك غزو من هالجاليات على هالديره يعني اتوقع لو سوو انقلاب رحنا فيها ..!! مشكلتنا بسياستنا ترضي الدول على حساب هالشعب .. يعني لي متى واحنا بهالحال الاعداد قاعد تزيد بدل ماتنقص .. والديره نفسها نفسها .. يعني ماننلام لما نقول الشوارع زحمه .! او الفصول بالمدارس اطفحت من الطلاب .! او المواعيد بالصحه ليوم او اثنين وحتى شهر .! لما تنتشر المشاكل وتكثر الجرايم .! لما نشوف الكويتي قاعد ينطر اسمه ينزل بالديوان سنه او ثنتين .! لما تزيد البطاله .. لما يحووم الفساد .! لما تطلع اسرار الديره لبره وبعدها نقول خاين وجاسوس .!
بتقوولي الدوله مجبره على وجود عماله ووافدين .. ميخالف معاكم بس بالحد المعقوووول  .. بتقولي الكويتي مايعطي من قلب بوظيفته ميخالف تعزز دوره بوظيفته وانحطه بالمكان الانسب وانظم الهيكل العام والوظيفي بالدوله .. بتقولي اقتصاد الدوله ميخالف نقلل منهم اللي مالي داعي وجوده يترحل مع انه اشوفهم مايخدمون كثر مايضرون .. بتقولي اشلون هالتجار تربح ميخالف مانقطع ارزاق لك حد معين في الاقامات مو تترس هالجيب على حساب غيرك .!!
هالموضوع والله خطييير يجب النظر إليه وبسررعه وخاصه ان العدد في زياده وهالشي راح يهز الهويه الوطنيه ووخاصه لما يكون في تسليم البعض أمكان حساسه بالدوله وفوق هذا قاعد نشوف الاثار السلبيه تكثر حول هالموضوع .. ومع كل هذا مانشوف من البعض لا احتراام ولا لك هيبة مواطن .. والمصيبه الاكبر لما يكون واسطتك بالحكومه وافد ..!!!!
انا اتكلم بالمنطق والواقع .. مو معقول بالالاف لا شغل ولا مشغله ..!! تسكع بالشوارع لا شهاده ولا هدف .. يعني ماله اساس من الوجود .! يالله ياحكومتنا ونوابنا خلكم صارمين ولو لمره .. خلونا نشووف همتكم بهالموضوع  ولا نتوهق بعدين ..!


في ختامي .. أسأل الله القدير ان يحفظ لنا " كــويــتـنــا "  من كل شر ومكروه

الجمعة، 5 نوفمبر 2010

من آيات الله ( مساكن النمل )

هذا فيديو اليوم واصلني عالايميل .. وهوا عباره عن مساكن النمل داخل الارض .. مقطع يوضح اعجاز القرآن الكريم في وصف مساكن النمل  فعلاا هالفيديو لمملكه مدهشة بالاعجاز  فسبحان الله الذى اوحى لها البناء طبقات تحت الارض ..  سبحانك يا الله




 باختصار كما ورد -->> " باحثين اجانب صبوا الاسمنت في جحر النمل وكانت النتيجه كما رآيتم "

الأربعاء، 20 أكتوبر 2010

فالـ نحلم جميعـآ ..!






همسة .. ~*

الفن هو الحياة، والحياة هي الحياة، لكن فن الحياة أن تحيا حياتك بفن .

الثلاثاء، 5 أكتوبر 2010

لتميز عنوان .. حلويات الكواكب :)

" حلويات وبوظه الكواكب "

المحل الاشهر بالكويت قديما ووشهرته امتدة حديثا ..  صارله في مجال الحلويات حوالي 47 سنه فيعتبر من اقدم محلات الحلويات الشعبيه بالكويت .. لصاحبه بوفتين زوج عايشه المرطه رحمت الله عليهم ..
منو فينا مايعرفه .. اشتهر بالحلويات القديمه واللذيذه " منها الرهش والزلابيا والبقصم بانواعه والحلوى والسمسميه وقرص العقيلي وبيض القطا "  وماننسى " الدندرمه "  البوظه العربيه
وانصح كل زائر للكويت يزووره لانه فيه كل الحلويات القديمه والشعبيه الكويتيه .. تميزو فآبدعو عندهم الرهش بالدبس لذييذ :)


مكان جمييل يردنا الى روح التاريخ القديم " الماضي "  بحياة الحاضر و " التطور "



^
صوره نادره للمحل ايام ابيض واسود "))



^
صوره بالالوان ألتقطت امس "))


** مكان المحل في شارع مبارك الكبير مقابل البلوكات



خاارج الموضووع ><<>

احب ابارك لمهنتدستنا ابرار .. لانتهاءها من  كتابة اول اصدار لها  كتاب  " مذكرات بنت بطوطه  "  اللي راح يرى  الاضواء عن قريب انشاءلله بمعرض الكتاب :)  متمنين لها كل التوفيييق ..

الأربعاء، 22 سبتمبر 2010

البحر عالي وفي صمته رهيــب .!!


بما اني من عشاآاق البحر وبشدددده .. حبيت يكون هالبوست بـحري .. فأغلبنا نتفق بماهيه البحر ولكنا نختلف بنظرتنا له .. فمنا من يراه غدار ومنا من يرآه صديق وفي وهناك من يرآه بمركز الارزاق والخير من بعد الله الكريم .. وكثيرون يرونه كاتم الهموم ورفيق الحزين .. واخرون يجهلوون " غدره وعطاءه " والخوف منه .!
فانتظار الصيف لاحتضان البحر شعور جميــل .. والاجمل حين تشعر بآنه "يحس فيك" عند زياارته او حتى النطر اليه  *_^
عن نفسي اشووفه  (( المعالج المشارك بالهمووم والفرووح .. وصوته والنطره له ترد الرووح  ))  سبحان الله التأمل فيه يشررح الصدر وصوته موجه يرد الامل وو يامحلى نســيمه :)




كــل حركه في مووج البحـر نغمـة جميــله .
^


شفت البحـر شوو كبيـر آد البحــــــــــر بحبك <3
^

فيني هدووء البحـر قبل ثوره اموآجـه :$
^


جيت البحـر وابديــت همي للامواج .
^


غلطان من قاال البحر غدار موجه يعالج كل عبره حزينه
^





مزاجي بحري وهاليومين القمرررره سوو يمدحون القعده ع البحر *_^


الخميس، 16 سبتمبر 2010

راتبك يوصل لي بيـتك .. المهم راحتك .!!

امس كنت بمسرحيه " ليله رعب " لـ عبدالعزيز المسلم  وللامانه العرض كان حلوو والاداء احلى .. احتوى العرض على الكثير من الحكم والمواعظ وايضا العبر وتكلم عن مواضيع عديده .. بس في موضوع شدني وهم ركز عليه الاستاذ عبالعزيز المسلم آلا وهو " المعاش القوي بوظائف وهميه او اتنساب وظيفي بالاسم فقط "  وان موضووع الشركات الوهميه اصبح ظاهره ومنتشر بشده في الاونه الاخيره ..!


يعني تشوف المرآه او الرجل ياخذ راتب واهوا قاعد بالبيت اي دون عمل .. وهالراتب اما يحصله من الشركات الوهميه فتكون الوظيفه باسم فقط بمسمى دعم العماله .! او بوزارات حكوميه يكون فيها عدد الموظفين اكبر من الحد المعقول للوزاره فيوصل له المعاش واهوا بالبيت ..! او تدخل من فيتامين واو بتوظيف اشخاص باسم من غير دوام اي اجازه مفتووحه ..!!
قبل انا كنت من مؤيدهاا بـ فكره وحده اكد فيه هالرأي تقول " حلال ديرتي لعيالها مو لربعها " فكنت اشوف دعم العالمه يكون لعيالنا احسن من انه يكون لديار بره او دول لا تستحقها .. كنت اشوف هالموضوع من نظره وحده فقط وكانت عاجبتني الفكره
بعدين لما قريت عن هالموضوع وتعمقت فيه اكثر وسمعت اراء وايد وعاشرت ناس تتعامل بدعم العماله .. تغيرت عندي هالنظره فصرت من اكثر المعارضين لهالظاهر وبشده
اولا .. الشرع لا يحلل كل شخص اتبع هذه الطريقه واستلم الراتب من غير شغل ولا تعب باختصار حرمهاااا
ثانيا .. تحايل على القانون والحكومه فهذه الشركات وهميه اذاً فهي خدعه وحرام الانسان يظلم نفسه ومعيشته ويعيش بخدعه  بل فيها مساس لاحتراميه الدوله .!
ثالثا .. هالظاهره تمس الاخلاق العامه والادب فلا يعقل استلام معاش بمبلغ كبير من غير شغل ولا تعب وفوق هذه يسبب ضرر لدوله .!

فبجذي لازم انشجع عيالنا على الشغل بالخاص لمنفعة الديره مو لبوقها .! ونشدد هالرقابه من هالشركات باحترافيه اكثر وزياده المفتشين ..! تعين الرجل المناسب بمكان مناسب مؤمن باخلاق المهنه وان ديرته وتطورها وازدهارها فوق مصالحه

وباالاخيــر عيالنا فيهم الخير والبركه ان شاءلله .. والله يحفظ ديرتنا ويوحد قلوب اهلهاا :)

الاثنين، 13 سبتمبر 2010

سـامريـات



فن السامري .. فن جميـل وعريـق وآنا من عشااااقه .. فن أصيل يلامس القلب بكلامته وابداااع في الغزل ووصف المعاناااة بلوعة الحزن والآام والفراق  .. فآبدعت فيه ملكه السامري عايشه المرطه   بكل سامريات واحببت ما آشادت به " ليتني خادم لو عبدهم يشتروني .. اتهنى بشوفه كل صباح و مسية " وأمتعنا  مصطفى احمد بـ " عشير صفالي بالهوى و الهوى أمر .. أحبه و أداري الود و كم بحت له أسراري "  وتغنى عبدالله الفضاله بـ " الآ ياآهل الهوى وآعزتاالي .. عديل الروح ماكان في صوابه " وعشنا الشوق مع عباللطيف الكويتي بـ " ولـهان أنـا يا بو بدر ولهان على الـذي حـبه تـبلاني .. ومالي صبر عن قايد الغزلان اللي سلب عقلي وخلاني " وسمعنا على انغام العشق عبد المحسن المهنا " يا متلف الروح ليه ما تنظر لحالي .. الناس نامت و انا عيني سهيره "

 وانا بصراحه واااايد اغاني حبيتهاا واستمتع بايقاعاتها وكلماتهاا .. ومع هذا اعيش الجو معاهاا ..  واخترت لكم :

جزى البارحه جفني عن النوووم .. جزا من غرابيل الزماني
بصوت رويشد :)

ياسعود فات من الشهر خمسه وعشرين ماشفت خلي واويلاااه
بصوت هند البلوشي

عزاه ياعيوني تبجي على عينه بصوتها " عايشه المرطه "

الله اقوى يانصيني وانا واشبيدي .. كل ماعدلت واحد يميل الثاني
بصوت محمد عبده

* كل الاغاني المختاره لعايشه المرطه :)


المزاج بالبوست ســـــــــــاآامـــــــــــــررري اليوووم *_^


الخميس، 9 سبتمبر 2010

العيد هل إهلاله .. كل الطرب يحلاله


كل عاام وانتو بخيــر .. وعسااكم من عواده هالسنه وكل سنه ان شاءلله

عن نفسي مآحس بالعيد إلا لما اسمع محمود الكويتي واهوا يدندن عالعووود " العيد هل هلاااله كل الطرب يحلا له يا ربنا زيد النعم :)







وتقبل الله منا ومنكم صالح الاعمال يارب *_^

الأربعاء، 1 سبتمبر 2010

حديث العقل .!

هذا ايميل واصلني وبصراحه عجبني .. فحبيته يكون بوستي لليووم .. مع بعض التعليقات مني  :)
....



لا تعبث أو تلهو أبدا بأحلام الآخرين
<< فـ حقيقة الحلم صعبه  قد تصب او لا تكون فكيف اذا لمسها خداع ولهو .!!
حب بعمق وبصدق
<< فهو دايما يكون الحب الابقى
لا تعاقب أو تصدر حكما على الآخرين وفقا لما تسمعه عنهم فقط
<< فهذا تهور وتلطش بالاحكام فتأكد كي لا تندم فحينها لاينفح الندم .!!
تكلم ببطء لكن فكر بسرعة
<< حتى تسع لك الفرصه بتحكم بآفكارك وكلامك معا :)
إذا سألك أحدهم سؤالا لا ترغب في إجابته
ابتسم واسأله: لماذا ترغب في معرفه الإجابة؟<< فن التعامل فهكذا تكوون الدبلوماسيه بالحوار :P
تذكر دائما, الطريق إلى النجاح الكبير يتضمنه مخاطر كبيرة وعندما تخسر لا بد أن تستفيد من خسارتك
<<  فتغلب على صعوباتك لتصل لنجاح عظيم وبالخساره نتعلم الكثر
احترم ثلاث أشياء .. احترم نفسك ..احترم الآخرين .. احترم تصرفانك وكن مسئولا عنها
<< بحترام نفسك يحترمك الاخروون :)
تذكر أنه في بعض الأحيان لا تنال ما تريد وربما تكون محظوظا في ذلك
<< عسى ان تكرهو شي فهو خير لكم :)

همسـه ..~~
آعطي النــاس اكثر مما يتوقعوون :)

الخميس، 26 أغسطس 2010

سوالف قرقيعانـيه :)

سوالف قرقيعانيه ..




ياحوو القريقعان وسوالفه وآخصها بجيلي او على ايام قبل كانت في مواقف كثيره منها اللي يضحك بس اللي يفشل اكثر  ..يذكر علي لما كنا نكشخ حدناا بلبست البخنق فوق الشبصات " تسريحه المدرسه مانغيرها من الصبح لي الليل " .. والثووب بصوب وفرارتنا بين البيوت بصوب .. ماكو بيت مانمره  ونقرقع  عليه ونوصل لي راس العاير .. وكلش والبيت الكشخه يحطمعاا لووول قرقيعانه كشخا كلاا كاكاو من توكيس وجلكسي وبجياس ذربه بعد  سباق بينا وبين الصبيان منو يوصل قبل ويقولونا هالنسه شعندهم من قريقيعان  .. والمنافسه اللي تصير بينا منو اللي حصل حلاو اكثر .. كل واحد يتشيحط عالثاني باللي عنده وماتحلا الفراره الا بنجره مع صبيان الفريج .. والاهم من هذا كله كان في امااااان كنا نطلع من بعد صلااة  التراويح لي الـ 11 او 12 بروحنا ما معنا لاخدم ولا سواق .!! وكانت اليمعه واللمه بهاليوم حلووه روح البساطه فيها .. مو  الحين بنتي اكشخ من بنتج .. لبس بنتي من المحل الفلاني وبهالسعر .!!! ومايطلع الياهل الا مع السايق او الخدامه ويطلع للبيت اللي جدامهم او يمهم بس .!

هذي بعض من ذكرياتي القرقيعانيه مشكلتي انسى لووول  اكيد انتوا مريتو على هالسوالف واكثر بعد :)

السبت، 21 أغسطس 2010

ZaiN .. تنطـق بصـمت .!!

كما عودتنا زين دائما تتحفنا "بدعاياتها" سواء رمضانيه او غيرها .. بصراحه دعايتها الرمضانيه هالسنه بدعت فيها وااايد اعجبتني  .. فكان الصمت يتكلم ويحمل معنى رآقي وبنفس الوقت سآمي ويناسب شهر الرحمه ..  وآكدت بآن الصمت بحركآت ايمائيه يمنحك القدرة على التفكير بعمق للحصول على اجابه ترضي تفكيرك  .!

ندآء نرفعـه فيـرفعنـا >>>>>>>>>  معنى كبيـــر "  الله آكبر سحبانه جل جلاله :)





فهوا فعلاا فن الصمـت .!

الثلاثاء، 17 أغسطس 2010

سينما الكويت في الماضي :)

kncc  شر كه السينما الكويته .. تأسست عام 1954


^
امممم .. فاضيه :)



^
آهم شي كانت الكراسى على مستوى واحد يعني اذا آحد قعد جدامك طويل انسى تشوف الفيلم
وبإعتقادي احسن ميزه لـ سنيسكيب ان كراسيهم مدرجه *_^




^
والله آيام كانت التذكره بـين 750 ولـ مية فلس..!



^
بساطه في اجهزه العرض



^
حتى الماضي ماسلم من الهدم والازاله كلا عشان هالبيزات :((



^
فيلم خالد بن وليد


^
اول فيلم انعرض بسينما الشرقيه يعني كان فيلم الافتتاح :)


الأربعاء، 11 أغسطس 2010

‎مبـآرك عليــكم الشـهر

كل عام وانتم بخيـــر .. وعسااكم مـن عوآآده هالسنه وكل سـنه يآرب  .. وعسى الله يعينـا على صيآآمه وقيـامه



الأحد، 8 أغسطس 2010

احاسيس مجهوله .!

 احاسيس تراودني " معقده . ملخبطه . غامضه . لا آدري !!  .. اجد صعوبه في صياغتها آو حتى بلورتها بكلمتين .. وآنا لا اعرف لماذا .؟!


 شعور غريب هل هو الاشتياق لذلك الشخص الذي ملكني بجنون ام هو الخوف من هذا الزمن بدروبه المتشعبه في مساراتها فأجهل التميّز بها .. ام هو قلب تربع به الحب فآبى بان يخالطه شريك .!! ام هو صراع بين يأس وآمل .. او قد يكون حزنٌ رنان بداخلي فينازعه الفرح لييسبقه فيكون هو بالمقدمه او حنين لفلسفه كانت تحكم  افكاري .. حقاً لا اعرف فهو بالفعل شعوور غريب .!!!


فهل تكون هذه احاسيس تجتاحني رغمنا عني .!!

الأربعاء، 4 أغسطس 2010

صور نادره لستلام المعاشات بس ملونه :)

هالصورتين من ارشيف صور الكويت .. إستلام المعاشات في الكويت سنة 1949‏  ..



اييييه والله فرق .. البنك الحين كليك الا معاشك عندك :)





 احس وظيفتة صعبه بس هالصوره تعبر عن رووح البساطه وصعوبه لقمة العيش ايام قبل :)


الأحد، 25 يوليو 2010

I hope 4 a BRIGHT future

فهل تعتقد بأن يكوون صعـب ام هذا هو الـ حُلـــم ..!!




همسـه ..~

لا يوجد هناك ماهــو جيد أو سـيء .. لكن ..[ التفكير ].. يجعله أحدهما .. ~
فكٌل الأحَاسيس لاتحمِل معنَى إلاَ المعنَى الذي نُحمِلُها إياه

الجمعة، 23 يوليو 2010

شوارع الكويت قبل :)

بسم الله الرحمن الرحميم ..

براويكم اليوم  صور عن شوارع الكويت قديمـآ من الـ الاربعينيات حتى السبعينيات

فمهما كان التطور والحداثة التى وصلنا اليهاا .. يبقى في القلوب الحنين والشووق لحياة الماضي على الرغم من  قساوتها وصعوبتها في بعض الامور ..!!

صور من ماضي شوارع الكويت ابلغ من الكلااام عن بساطة الحياة الماضي وقسوتها ..!





السكه *_^



بالسووق كلش ماكو زحمه مو ألحين تهاوش عالباركنات





احد اشهر الشوارع بالكويت :)



ناس تتمشى بالشارع وسيارات .. لو نمشى الحين بالشوارع مانسلم من الخز والطنازه :@






الأربعاء، 7 يوليو 2010

live young :)

بصراحه خوووش دعايه اعجبتني صج يشوووقووون

يقوولك live young  *_^
><
><
><




LOooOoOooOL

الجمعة، 2 يوليو 2010

حنينا الايـادي ..!

اوبريت رائع في الذااكره .. لا أعلم ماهو سر هذه المشارركه هل هوو حنين وشوق للماضي وآصالته وولاء من هم فيه او هو آسى وحسرره على حال هذا الوطن من آبناءه البرره .!!!!

كلماات جميله لمستهاا من خلال هذا الاوبريت ففيه فن آصيل وأداء جميل من "بناتنا" ذوات العفويه والبرآءه ..







منو اللي يحميها منو اللي يفديهاا ؟؟
هذي بلدنا وبتظل بلدنا " الكوووووويت "



معذره مادري ليش ماكو فيديوو سو نزلت كل رابط مع صوره له بس كليك ويطلع الفيديو *_^

الأحد، 27 يونيو 2010

حركآااات كويتيـه *_^


اممممم .. في حوستي بالنت وفرتي على السيتاات الكويتيه .!! لااحظت شي :)



آلا واهوا انا ربعناا " الكوتيين " اتجهوو الى هواية التصوووير ومو اي تصوير بعد " لقطاات مهمه جداا " يعني فكرره وحده وصووره وحده بأشكااال مختلفه :p
الصوووور الاكثر شهرره بهالايـام " تصوير مقيااااس الحراااره وبسياارات بعد "
..



..

.


ياااارب يرحمنااا برحمته ... بس الـ 59 شي :p



















الثلاثاء، 22 يونيو 2010

فريـج آول



ليتني عشت في هذا الحي القديم مع الاهل المحبين والجيران الطيبين .. فيا روعه " الفريج " ولمه " الاحباب " بحياة هادئه انسانية غالبة عن المصالح , نفوس طيبه يسودها الولاء والوفاء خاليه من حسد ونفاق , براءه في طفولتهم عزه في مراهقتهم ونخوة في رشدهم ..
وو يآآ محلى قعدة الفيه بالحووش وو بسااط السدوو مفرووش ونمعاها جآي مخدرر يقعد الرووس .. وبيين الاهل مافي نفووس وكلن على خوية محرووس
ووووو .. في ابريت قديم وبنفس الوقت جديد ..!! حبينااه وشوفناااه وبعد مانسينااه يقوول فيه

شـووط شوط يالبطه .. اسم ابوو من حطه
ماحطه إلا سويره .. وسويره راحت البر
تجيب العيش الاحمر .. تحطه بصواني
على جية خوالي .. خوالي يادلالي






فـ قديمك نديييمك لوو جديدك آغنااك :))

الاثنين، 21 يونيو 2010

من الطفووله ..!

جميله هي الطفوله وذكرياتهاا ..
فها انا اتذكر عندما كنت صغيره اتابع الرسوم المتحركه فكنت دائما على موعد مع سآلي
حيث كنت اتأثر بها لدرجه البكاء في بعض مواقف الظلم التي تعيشه فاكنو اخوتي يضحكون
من اجل تأثري به فهي علا قصة انساااان

اممم .. وطبعاا مانسى كمبيوتر صخر كنت اذهب مع اختي لكي نلعب مع ابناء عمي بتحدددي كي نفوز عليهم
ولكن وللاسف كانو في الاغلب هم الغالبون ونحن المغلوبوون " لووول " جميله هي ذكرياتي معهم فكنت مشاغبه بعض الشي


وو عوود الفقاعات له ايضا ذكريات معي حيث ان امي تشتريه لناا كمكأفأه لناا ولم اكن اعرف " انفخ فيه مثل خلق الله لووول " فكان صعب بنسبه لي وابي يعلمني كيف يمكنني ان انفخ وقد تمت نجاح العمليه النفخ بعد عناء ومحاولات طويله " لوووول "




وطبعا لا انسى البطاط النفضل الذي يؤكل كل عصر ولا يحلى إلا بالفلفل " الشطه " فهوو لذيذ معه لووول




وحتى الحلويات كان لها طعم آخررر في الصغر :)







هذه بعض ذكرياااتي ويا ليتهاا تعووود لأجيالناا لما فيها من بساطه فدائماا القديم هوو الاصيييل :))

سيرجرات :p